LAJME

Arrestohet personi që po qarkullonte monedha të falsifikuara në Prishtinë, i gjinden 580 euro

Drejtoria për Hetimin e Krimeve Ekonomike dhe Korrupsionit (DHKEK), Njësia në Prishtinë, pas pranimit të informatës se një i dyshuar përmes biznesit të tij, po vë në qarkullim monedha që dyshohet se janë të falsifikuara, ka filluar dhe ka zhvilluar hetimet për disa javë ndaj një të dyshuari.

Sot, më 13.02.2019, hetuesit policorë së bashku me inspektorë nga Ministria e Tregtisë dhe Industrisë, kanë inspektuar aktivitetin tregtar të të dyshuarit në Prishtinë.

Policia tek i dyshuari ka gjetur dhe më pas ka sekuestruar një shumë monedhash metalike (euro).

Në pronësi të të dyshuarit janë gjetur:
172 copë X 2 = 344.00 euro dhe
236 copë X 1 = 236.00 euro.

Gjithsej janë konfiskuar monedha metalike në vlerë prej 580 euro.

I dyshuari H. B. lindur në vitin 1968, m/sh/k është arrestuar dhe me aktvendim të prokurorit dërgohet në ndalim policor për 48 orë.

Related posts

Pas rastit të Drenasit, MASHT-i merr vendim për të gjithë mësimdhënësit e nxënësit

admin

Albin Kurti: Baton Haxhiu, ndërmjetës i Beogradit te Edi Rama

admin

Ja si reagon Serbia pas miratimit të statutit të Trepçës: Po përsëritet skenari për Kosovën…

admin