Deputeti gjerman Knut Abraham ka thënë se duhet veprim të menjëhershëm për të zgjidhur çështjet mes Kosovës dhe Serbisë.
Abraham në një postim në Twitter ka thënë se është e nevojshme që BE-ja të bëjë presion real ndaj Beogradit, ndërsa ka pyetur edhe se çfarë është duke bërë Përfaqësuesi i Lartë i BE-së për politikë të jashtme, Josep Borrell.
“Situatë në Kosovë dhe Serbi kërkon veprim të menjëhershëm. Çfarë po bën Përfaqësuesi i Lartë i BE-së, Borrell? Vringëllima e shpatës serbe është e rrezikshme, e papërgjegjshme dhe e papranueshme. Shtensionimi është në rend të ditës. Është i nevojshëm një presion më real i BE-së ndaj Beogradit”, ka shkruar Knut Abraham.
E Ambasada e Kosovës në Gjermani e ka falënderuar Abrahamin.
“Knut Abraham faleminderit për mbështetjen tuaj të palëkundur dhe mesazhin e qartë ‘se vringëllima e shpatës serbe është e rrezikshme, e papërgjegjshme dhe e papranueshme’. Mjaft më”, ka shkruar Ambasada.
The situation in #Kosovo and #Serbia requires immediate action. What is the High Representative of the EU, #Borell, doing? Serbian saber rattling is dangerous, irresponsible and unacceptable. De-escalation is the order of the day. More real #EU pressure on Belgrade is necessary.
— Knut Abraham, MdB (@Knut_Abraham) December 29, 2022