Cvetko Veljkoviq ishte deputeti i dhjetë që hyri në Kuvendin e Kosovës pas dorëheqjeve të fundit. Ai nuk ishte kandidat i Listës Serbe, por i Listës GI SPO-së që udhëhiqet nga Nenad Rashiq.
Veljkoviq duket se pas betimit si deputet, i ka rënë pishman që kandidoi me Rashiqin dhe tash do të kalojë si i pavarur.
Lajmin e ka konfirmuar për mediat serbe Nenad Rashiq.
E vetë Veljkoviq, ka deklaruar se “do t’i përfaqësojë interest e serbëve, dhe do ta ndjekë politikën e shtetit të Serbisë”.
Veljkoviq kohë më parë kishte qenë edhe këshilltar i kryeministrit Kurti, pas shkarkimit të Nenad Rashiq që e mbante këtë pozitë.
Nenad Rashiq e Rada Trajkoviq së fundmi janë kërcënuar nga Beogradi, marrë parasysh se ata shprehën gatishmëri të pranojnë postin e deputetit.