Ministri i Mbrojtjes, Armend Mehaj, ka përsëritur kërkesën e tij për vendosjen e një baze të përhershme ushtarake amerikane në Kosovë.
Kërkesën Mehaj e ka bërë të ditur përmes një shkrimi në rrjetin social ‘Facebook’.
“Duke i rikujtuar kërkesën tonë për vendosjen e një baze të përhershme ushtarake amerikane në Kosovë që do të shërbente si garancë për sigurinë, paqen dhe stabilitetin e përgjithshëm të rajonit”, ka shkruar Mehaj.
Këtë kërkesë Mehaj e ka bërë gjatë takimit me kongresmenin amerikan Ritchie Torres.
Tutje, ai ka thënë se Torres është informuar edhe për zhvillimet e Kosovës, të arriturat dhe synimet që ka për të ardhmen.
Pas ngjarjeve në Ukrainë ministri i Mbrojtjes Armend Mehaj disa herë kishte kërkuar kërkuar nga vendet e NATO-s që ende nuk e kanë njohur pavarësinë e Kosovës ta bëjnë një gjë të tillë.
Ai kishte thënë se anëtarësimi i përshpejtuar i Kosovës në NATO dhe vendosja e Bazës së Përhershme të Forcave Amerikane, është nevojë imediate për garantimin e paqes, sigurisë dhe stabilitetit në Ballkanin Perëndimor dhe më gjerë.