Ministri Latifi tregon nëse do të mbyllet vendi pas rritjes së rasteve me COVID

Date:

Ministri i Shëndetësisë, Rifat Latifi, ka thënë se mbyllja e vendit, mbyllja e shkollave dhe ekonomisë, nuk është opsion momentalisht.

Latifi ka thënë se Kosova momentalisht qëndron më mirë me pandeminë sesa vendet e tjera të rajonit. E Latifi ka thënë se vendet e rajonit nuk janë përcaktuar për mbyllje.

“Nuk besoj se tash për tash opsion është të mbyllen shkollat, të mbyllet ekonomia. Shumica e vendeve rreth neve, që e kanë gjendjen më të rëndë, nuk e kanë bërë këtë”, ka thënë Latifi.

Ai thotë se ka një dallim tash krahasuar me verën e kaluar, pasi një pjesë e madhe e popullsisë është e vaksinuar kundër COVID-19. Ndërsa Latifi ka bërë thirrje që të merren edhe doza e tretë apo doza përforcuese.

“Tash është gjendje tjetër në botë, jo vetëm në Kosovë. Populli është i vaksinuar tash, por duhet vaksinuar të gjithë. Edhe nëse marrim COVID-in, prapë do të jetë më i butë. Në SHBA si shembull nëse e ke Omicronin pushon 5 ditë dhe kthehesh në punë”, ka thënë Latifi në “DESK” të KTV’së.

Latifi ka refuzuar të fajësojë ardhjen e mërgimtarëve gjatë festave të fundvitit për rritjen e numrit të rasteve me COVID-19 në Kosovë. Por ai thotë se është normale që kur rritet fluksi i qytetarëve, ka mundësi të rritet edhe numri i rasteve.

“Nuk ka rëndësi se nga ka ardhur, me rëndësi është se e kemi COVID-in këtu. Duhet të marrim masa të mbrohemi. Të mbajmë maskë e të vaksinohemi”, tha Latifi.

Shpërndaje postimin:

Rekomanduar

Më shumë si kjo
Të lidhura

Sinjale negative nga Franca për vizat: Kosova s’i ka plotësuar 95 kriteret e BE-së në mënyrë efektive

Franca, që po e udhëheq presidencën e BE-së, është...

Berisha: Rama u bë synet më 2013 në Topkapi

Ish-kryeministri Sali Berisha komentoi deklaratën e kryeministrit Edi Rama...

“Ti do të akuzohesh për t’zezat e Iuftës”- Joe Biden kishte refuzuar t’ia japë dorën Millosheviqit

Gazetari Ivica Puljic i Al Jazeera Balkans duke folur...

Mot i ndryshueshëm gjatë javës, nesër bie borë

Mot i ftohtë dhe ndryshueshëm gjatë javës, me kthjellime...