Ministri i Punëve të Brendshme, Xhelal Sveçla ka treguar se sot Policia e Kosovës ka arrestuar në Jarinje ish-zyrtarin policor dhe ish-pjesëtarin e MUP-it i cili ishte integruar në Policinë e Kosovës, Dejan Pantiçq.
Siç thotë Sveçla, bazuar në dëshmitë e Policisë, Pantiç ka organizuar “suImin terrorist” në zyrat e Komisionit Komunal Zgjedhor ku janë suImuar zyrtarët e KQZ-së dhe policët e Kosovës.
Njoftimi i plotë i Sveçlës:
Policia e Kosovës sot ka ndaluar në Pikën Kufitare në Jarinje ish zyrtarin policor, ish pjesëtarin e MUP-it i cili ishte integruar më parë në Policinë e Kosovës, Dejan Pantiç.
I ndaluari sipas dëshmive të Policisë së Kosovës ka organizuar suImin terrorist në zyret e KKZ-së në veri të vendit me ç’rast ishin suImuar zyrtarët e KQZ-së dhe zyrtarët policor. Pantiç akuzohet për kryerjen e veprave terroriste dhe suIm kundër rendit kushtetues.
Grupe ekstremiste me qëllim të parandalimit të vendosjes së drejtësisë janë organizuar në bllokim të disa rrugëve dhe ngritje të barrikadave në Leposaviç, Zveçan dhe Zubin Potok.
Ftoj të gjithë qytetarët për ruajtje të qetësisë e në veçanti qytetarët tanë të etnisë serbe që të mos bëhen pjesë e organizimeve të grupeve kriminale në veri.
Asgjë nuk mund t’i ndalë institucionet e Republikës së Kosovës për ofrim të sigurisë për qytetarët pa dallim e për sjellje para drejtësisë të të gjithë shkelësve të ligjit.