MSh-ja konfirmon vdekjen e shtatzënës 40-vjeçare nga COVID-19
Ka ndërruar jetë pacientja nga Gjakova e cila ishte shtatzënë dhe e prekur me koronavirus.
Në Klinikën Infektive të QKUK-së, ka ndërruar jetë një 40-vjeçare nga komuna e Gjakovës e cila ishte shtatzënë dhe e infektuar me koronavirus.
Lajmin e ka konfirmuar Ministria e Shëndetësisë.
“Klinika Infektive e QKUK-së njofton se gjatë orëve të para të datës 21. 04. 2020 në Mjekimin Intensiv të kësaj klinike ka ndërruar jetë pacientja V.P. me vendbanim në Gjakovë (1980) e diagnostikuar me Covid-19. E njëjta, ishte shtatzënë dhe po trajtohej në mjekimin intensive të klinikës që prej datës 15 prill 2020”, thuhet në njoftim të MSH-së.
Kjo është vdekja e 13-të e pacientëve me COVID-19 në këtë klinikë dhe e 16-ta në nivel të shtetit.