Profesori dhe analisti politik, Nexhmedin Spahiu e ka ‘zbuluar’ një skandal që ndodhi sot në Vushtrri, gjatë ceremonisë së përmendores së kolonel Ahmet Krasniqit, të cilin e quan hero kombëtar.
Spahiu përmes një postimi në Facebook, ka reaguar për flamurin e Kosovës.
Sipas tij, flamuri i Kosovës, është lëshuar përtoke, ndërsa flamuri i Shqipërisë është mbajtur lartë. E tëra kjo skenë ka ndodhur derisa është luajtur një valle me flamuj.
E për këtë ‘skandal’ Spahiu kërkoën që të dënohen fajtorët.
Postimi i plotë:
Skandal i madh kombëtar sot në prani të kryeministrit Avdullah Hoti, kryeparlamentarës Vjosa Osmani-Sadriu, Ministrit Anton Quni, komandantit të FSK, Rrahman Rama nën transmetim direkt televiziv. Gjatë ceremonisë së zbulimit të përmendores së heroit të kombit Ahmet Krasniqi, në skenë luhet një valle me flamuj kombëtar të Kosovës e të Shqipërisë dhe gjatë asaj skene flamujt e Kosovës lëshohen përtokë ndërsa flamuri i Shqipërisë mbahet lartë. Për këtë skandal fajtorët duhet të dënohen sipas ligjit.