Një grua e moshës 39-vjecare është operuar gjatë ditës së djeshme në sallat e Klinikës së Kirurgjisë së Përgjithshme Abdominale në QKUK. Ajo u fut në operacion pa e ditur mjekët se ishe e prekur nga Covid 19.
Pacientja në fjalë fillimisht ishte pranuar në Spitalin e Pejes. Nga aty ajo u transferuar për në QKUK ku edhe u operua.
Lajmin se kjo grua ka rezultuar me Covid 19 e kanë konfirmuar për zyratrë nga SHSKUK.
“Ju konfirmojmë se një rast kirurgjik i transferuar nga Spitali i Pejës është punuar si rast urgjent ne emergjencë nga kirurgët abdominal dhe ekipi anestezionit.
I njëjti rast pasi i është bërë analiza për Covid-19, ka rezultuar pozitiv. Jemi në pritje të raporteve zyrtare, mesa kemi informatat e para, stafi ka punuar me masa mbrojtëse.
Jemi në konsultim me Institutin dhe instancat tjera relevante për hapat e mëtejmë.
Poashtu, kemi informuar institutin Kombëtar të Shëndetësisë Publike dhe presim te koordinohemi rreth hapave të mëtejme”, thuhet në përgjigjen e SHSKUK-së.
Ndërkohë stafi i Kirurgjisë Abdominale janë izoluar deri në bërjen e testit.
39-vjecarja gjendet në Kujdesin Intenziv të QKUK’së në gjendje të rëndë shëndetësore.