masa të ftohta polare, të cilat do të zbresin ndjeshëm temperaturat në të dy vlerat ekstreme. Për shkak të diferencave të mëdha barike, pritet të fryejnë erëra të fuqishme, ditën e martë nga jugperëndimi, ndërsa ditën e mërkurë nga krahu verior. Sipas modeleve parashikuese, të mërkurë, erëra më të theksura mund të priten nga rajoni i Istogut.
Mot i ftohtë do të mbetet edhe nga dita e premte, mirëpo temperaturat maksimale gradualisht do të rriten në vlera pozitive përgjatë fundjavës.
Erërat që pritet të fryejnë gjatë kësaj jave do të shpërndajnë ndotësit, kështuqë vlerat e cilësisë së ajrit do të luhaten rreth vlerave mesatare dhe të mira.
3.02 – Butë, me vransira dhe intervale me diell. Në mëngjes në vise të ulëta mundësi për mjegull/mjegullinë.
4.02 – Butë dhe me erë. Vransira dhe intervale me diell. Në mbrëmje shi, që më vonë do të shndërrohet në borë.
5.02 – Ftohtë dhe erë veriore. Herët në mëngjes reshje bore, e gjatë ditës kohëpaskohe reshje të dobëta bore.
6.02-7.02 – Ditën e enjte ftohtë, kryesisht me diell. Erërat gradualisht do të pushojnë. Të premten, kryesisht me vransira, orëve të mëngjesit vende-vende mundësi për reshje të dobëta bore.
Temperaturat do të pësojnë rënie në të dy vlerat ekstreme. Minimalet do të zbresin nga 3C në -5C, e maksimalet nga 14C dhe 15C, sa priten në fillim të javës, do të zbresin deri në 0C.
Ditëve të para do të fryejë erë mesatare dhe mesatarisht e fuqishme nga jugperëndimi 5-11m/s. Nga dita e mërkurë erë mesatare dhe e fuqishme nga veriperëndimi 5-16m/s.
Shtypja atmosferike, me afrimin e ciklonit do të pësojë rënie të thellë nën vlera normale, e nga dita e enjte do të shënojë rritje të shpejtë.