“DopplePaymer” është grupi i hakerëve që ka sulmuar Bankën Ekonomike në Kosovë. Ky veprim i tyre ndodhi në fund të muajit shkurt.
Indeksonline ka siguruar një listë me emra (po për shkak të sigurisë nuk i publikon identitetin) dhe shifrat e parave që ata kishin.
Mësohet se nga ky hakim deri më tani janë publikuar mbi 70 gb të të dhënave të bankës.
E rrezikshme nga të dhënat që keqpërdoren si pasoj e këtij hakimi mund të jenë; kartelat e klientëve janë të rrezikuara, pasi që online përmes xhirollogarive të tyre mund të bëhen pagesa të ndryshme.
Ndryshe, Banka Ekonomike me qendër në Prishtinë operon me gjithsej 30 degë, të cilat ndahen në 7 rajone kryesore, brenda të cilave operojnë 23 nëndegë.
Në vitin 2018, banka ka zhvendosur degët në Klinë, Hajvali dhe Drenas në objekte më moderne dhe ka rimodeluar degën e Prizrenit.