Minstra në detyrë e Drejtësisë, Albulena Haxhiu nëpërmjet një shkrimi në Facebook i ka reaguar deputetes së AAK-së Time Kadriajaj pas publikimit të lajmit nga kjo e fundit se disa aktivistë të VV-së janë amnistuar duke i liruar nga Karantina.
Haxhiu thekson se Kadrijaj për të dëmtuar politikisht sot ka publikuar emrat dhe diagnozat e disa persona gjë që është në kundërshtim me legjislacionin dhe konventat evropiane.
“Kjo çfarë bëri sot znj. Kadriaj është kulmi. Për të goditur politikisht ka dëmtuar rëndë dinjitetin dhe integritetin e personave duke publikuar emrat dhe diagnozat e tyre. Pra, zonja Kadriaj që vetë thotë se është mjeke sot na dëshmoi të kundërtën.
Kjo është çnjerëzore, e pajustifikueshme, shumë ultë dhe në kundërshtim me legjislacionin dhe konventat evropiane.Jam e shokuar nga ky nivel.” shkruan Haxhiu në Facebook raporton Gazeta Blic.
Postimi i plotë:
Politika ekziston pikërisht ngaqë komuniteti angazhohet për të mirën e përbashkët, të individëve të bashkësisë. Politika nuk mund të jetë, nuk guxon të jetë antihumane.
Ajo s’është politikë më pastaj, është krim.Kjo çfarë bëri sot znj. Kadriaj është kulmi. Për të goditur politikisht ka dëmtuar rëndë dinjitetin dhe integritetin e personave duke publikuar emrat dhe diagnozat e tyre. Pra, zonja Kadriaj që vetë thotë se është mjeke sot na dëshmoi të kundërtën. Kjo është çnjerëzore, e pajustifikueshme, shumë ultë dhe në kundërshtim me legjislacionin dhe konventat evropiane.
Jam e shokuar nga ky nivel.