Orari i ri i qarkullimit për të gjithë qytetarët nga sot deri më 18 maj

Ministria e Shëndetësisë publikoi së fundi orarin e ri të qarkullimit për qytetarët nga sot e deri më 18 maj, sipas shifrës së parafundit të numrin personal.

Me orarin e ri, qytetarët kanë të drejtë të qarkullojnë 90 minuta paradite dhe 90 minuta pasdite. Kjo pasi numri i rasteve të reja me koronavirus në vend ka shënuar rënie, ndërsa janë regjistruar numër më i madh i të shëruarve.

Ndryshe, ministri i Shëndetësisë, Arben Vitia ka deklaruar se qytetarët nuk duhet të relaksohen por të vazhdojnë t’i respektojnë masat e qeverisë dhe rekomandimet e Institutit Kombëtar të Shëndetit Publik.

IKSHPK mbrëmë ka njoftuar për 38 raste të shëruara dhe 10 raste të reja me koronavirus në Kosovë.