Që nga 13 marsi kur janë shënuar rastet e para pozitive me Covid-19 në Kosovë, të martën mbrëma është shënuar numri më i madh i të shëruarve.
Pas trendit të uljes së të infektuarve në shumë vende të botës, por edhe në Kosovë, vendi ka filluar me lehtësimin e masave restriktive për parandalimin e përhapjes së koronavirusit. Por, sipas mikrobiologut Lul Raka, vala e dytë e të infektuarve nga ky virus është e pashmangshme.
Ndrkaq, 87 persona e kanë tejkaluar virusin, duke e çuar numrin në 490, derisa vetëm 1 pacient nga Komuna e Mitrovicës është konfirmuar me Covid-19.
Sipas raportit të Klinikës Infektive, dy pacientë të cilët janë duke u trajtuar aty, vazhdojnë të jenë në gjendje të rëndë shëndetësore. E 4 raste janë në trajtim me oksigjenoterapi dhe përkujdesje intensive.
Gjatë së mërkurës nga Klinika Infektive janë liruar edhe 18 pacientë të shëruar nga sëmundja Covid- 19.
Deri tani në Kosovë janë mbi 855 raste me Covid-19, kurse 26 persona kanë vdekur.