Numri i madh i të infektuarve me koronavirus në kryeqytetin e Kosovës ka ndikuar që inspekcioni të kontrollojë mbajtjen e distancës në fushën e gastronomisë.
Një aksion i gjerë i Inspekcionit në Prishtinë është duke u mbajtur sonte, shkruan IndeksOnline.
Këtë e ka bërë të ditur, drejtori i Inspekcionit në Prishtinë, Adonis Tahiri.
Ai tha se ky aksion ka për qëllim ruajtjen e shëndetit publik.
“Aksion i gjerë, me qëllimin e vetëm: Ruajtjen e shëndetit publik!”, shënoi ai.
Ndërsa, Instituti Kombëtar i Shëndetit Publik çdo natë është duke iu bërë thirrje Inspektorateve sanitare të AUV dhe Inspektorateve komunale patjetër të zbatojnë Ligjin për Inspektoratin dhe Ligjin për parandalimin e sëmundjeve ngjitëse dhe të merren masa përgjegjësie në rast të mos zbatimit eventual të rekomandimeve të Institutit Kombëtar.
