Dje u dha lajmi se kryetari i Lidhjes Demokratike të Kosovës, Isa Mustafa, ishte shëruar suksesshëm nga virusi SARS-CoV-2. Ky lajm vjen pasi edhe sëmundja e tij u politizua nga qytetarë të pandërgjegjshëm, disa prej të cilëve madje i kishin dëshiruar vdekjen e edhe e kishin shpallur të vdekur. Por, një qytetar ka shkuar edhe më larg.
Një qytetar me emrin Mehdi Salihu ka komentuar publikisht në lajmin mbi shërimin e z.Mustafa, duke pretenduar se ka informacione që sëmundja e tij ka qenë e falsifikuar.
“Isa Mustafa ka gënjyer që është me Covid, kam informacione nga njerëzit e tij të ngushtë. Këtë e ka bërë për të pritur reagime, por edhe për të qenë në qendër të vëmendjes.” – ka thënë ai, përcjell Periskopi.
Natyrisht, ai nuk ka ofruar asnjë provë për një pretendim të tillë kaq të rëndësishëm për sferën publike.
Z.Mustafa kishte pasur probleme shëndetësore edhe në të kaluarën dhe ishte dërguar për shërim në Gjermani.
Pretendime të tilla të pakonfirmuara po i riformësojnë besimet e qytetarëve në Republikën e Kosovës dhe po e polarizojnë skenën politike.
Komenti i këtij qytetari i ka marrë gati 200 pëlqime.
