Reagon përsëri Ramosaj: Rruga Deçan – Plavë, bëhet ose e bëj

Kryetari i Deçanit, Bashkim Ramosaj, është shprehur se rruga Deçan-Plavë do të bëhet.

Përmes një postimi në Facebook, pas takimit me kryeministrin Hoti, Ramosaj thotë se do të vazhdojë takimet me ambasadorët e vendeve të huaja, rreth punimeve të rrugës të cilat janë pezulluar.

“Kam filluar sot takimet, fillimisht me kryeministrin për të vazhduar intensivisht deri me daten 27 gusht, kur do mbajmë takim me të gjithë ambasadorët. Jam i bindur që rezultati do jetë zgjidhja e duhur për Deçanin. Bëhet ose do e bëj!”, ka shkruar Ramosaj.

Kujtojmë se, punimet e kësaj rruge janë pezulluar nga kryeministri i vendit, Avullah Hoti tri ditë më parë, pas reagimeve të Manastirit të Deçanit se punimet po bëhen në Zonën e Mbrojtur të tij.