Vitin e kaluar u shënua 25 vjetori i premierës së filmit “Interview with the Vampire” dhe me atë rast aktorja vendosi të flasë për përvojën e saj të pakëndshme gjatë realizimit të njërës nga skeat, transmeton Gazeta Metro.
Kirsten Dunst zbuloi se puthja e saj e parë me Brad Pitt në ekran ishte puthja e saj e parë në jetën reale, por që ishte një përvojë e tmerrshme për të.
Aktorja amerikane mori një rol në filmin ” Interview with the Vampire ” në 1994, asokohe ajo ishte vetëm 11 vjeç. Dunst kishte një skenë ku puthej me Brad Pitt, i cili atëherë kishte tridhjetë vjeç.
“Ishte e neveritshme. Unë qëndroj prapa kësaj deklarate. Do të ishte e dhimbshme nëse një vajzë njëmbëdhjetë vjeçare do ta dëshironte këtë. Ne sigurisht do të thoshim se diçka nuk është në rregull me atë fëmijë,” tha ajo.
Disa vjet më parë, ajo zbuloi se si një adoleshente nuk ishte aspak e interesuar të puthte një aktor joshës të Hollywood’it si puna e Pitt.
“Të gjithë në atë kohë po thoshin: Sa me fat je që ke puthur Brad, por unë mendova se ishte e neveritshme. Nuk putha me askënd tjetër derisa isha 16 vjeç.
Sidoqoftë, Kirsten gjithmonë kishte vetëm fjalë të mira për Brad, por edhe Tom Cruise me të cilët luajti.
“Ishin shumë të dashur, ato xhirime ishin diçka që nuk e kisha përjetuar më parë. Ata më trajtuan sikur unë të isha motra e tyre e vogël. E dija që ishin yje, unë isha fanse e tyre,” tha ajo e ftuar në një emision.
Ndryshe thuhet se roli i bërë nga Dunst në këtë film ka qenë arsyeja e suksesit të aktores në Hollywood.