Juristi dhe analisti politik, Vigan Qorrolli ka reaguar pasi i dërguari i Bashkimit Evropian për dialogun Kosovë-Serbi, Miroslav Lajçak ka bërë të ditur se cilat tema do të bisedohen në Bruksel.
Ai në postimin e tij në Facebook, ka shkruar se duke e kuptuar deklaratën e Lajçak-ut kryeministri i Kosovës, Avdullah Hoti paska hyre në negociata me presidentin e Serbisë, Aleksandër Vuçiqin për temat e para 17 shkurtit 2008.
Qorrolli e ka cilësuar të rrezikshëm këtë hap për subjektivitetin shtetëror.
Postimi i plotë:
Me sa po kuptohet nga ky “twit” i Lajçakut — KM i Kosovës paska hyrë në negociata me Vuçiqin për temat e para 17 shkurtit 2008.
Ky hap paraqet një rrezik të thellë për subjektivitetin shtetëror të mishëruar me Deklaratën e Pavarësisë!
Në anën tjetër, këta që i ndihmuan Hotit në syfyr për t’u berë KM — tash po e kërkojnë “kokën e turkut” prej tij — për t’i ikur halleve të tyre me Gj. Speciale!