Kandidati demokrat për president të Amerikës, Joe Biden filloi Ditën e Zgjedhjeve duke shkuar në kishë me gruan dhe dy mbesat e tij.
Anëtarët e familjes hynë në Shën Jozef në Brandywine në Wilmington, në 7:10 të mëngjesit dhe u larguan nga Kisha Katolike Romake në 7:27 të mëngjesit. Biden më pas shkoi te varrezat ku djali, Beau, gruaja e tij e parë dhe vajza e tij janë varrosur.
Nga atje, Biden udhëtoi në vendlindjen e tij Scranton, Pensilvania. Ai u ndal pranë shtëpisë së tij të fëmijërisë dhe shkroi në mur: “Nga kjo shtëpi në Shtëpinë e Bardhë me Mirësinë e Zotit, Joe Biden 3 nëntor, 2020.”