Kryeministri i Kosovës, Avdullah Hoti iu është përgjigjur kërkesës së AAK-së që sot në Qeveri ka kërkuar që të ndalet dialogu pas aktakuzave të fundit të Speciales.
Hoti ka thënë se duhet të respektohet parimi i ndarjes së pushteteve.
- Advertisement -
I pari i ekzekutivit tha se Kushtetuta është e qartë në këtë pjesë, se si duhet procedohet më tutje kur nuk ka president.
“Duhet të respektojmë parimin e ndarjes së pushteteve, në veçanti ministri i Drejtësisë e ka të qartë këtë çështje, ne nuk ndërhyjmë as nuk komentojmë vendime të organeve të drejtësisë, në Qeverinë e Kosovës, nuk ka hapësirë për sjellje ndryshe, bazën ligjore e kemi të qartë se si sillemi në këtë situatë për t’i ndihmuar ligjërisht, Kushtetuta është e qartë se si procedohet më tutje kur vendi nuk ka president, secili prej juve duhet të vazhdojë me kapacitet të plotë. Ky është qëndrimi që duhet të mbajmë si qeveri”, ka thënë Hoti.