Deputeti i Kuvendit të Kosovës, nga radhët e Lëvizjes Vetëvendosje, Dimal Basha, ka thënë se krijimi i aleancave për rrëzimin e qeverisë, përfshi bashkëpunimin me një rrugaç, siç e quan ai, ish-ambasadorin Grenell, është një tradhti kombëtare.
“Është tradhti kombëtare kur krijon aleanca me të huaj për me rrëzu qeverinë tënde, përfshi bashkëpunimin me një rrugaç e bully si Grenelli”, shkruan Basha në Facebook.
Ai madje shprehet se ambasadori Grenell rregulloi çështjen që Senatori David Perdue dhe djali i Presidentit të SHBA, Donald Trump Jr, të bënin një deklaratë në Twitter duke sugjeruar që SH.B.A. të tërhiqte trupat e saj nga Kosova.
Ja shkrimi i tii:
Është tradhëti kombëtare kur krijon aleanca me të huaj për me rrëzu qeverinë tënde, përfshi bashkëpunimin me një rrugaç e bully si Grenelli. Raporti i BE-së e dëshmon këtë që e kemi thënë nga fillimi. Jeni bërlloga, jeni të gërditshëm!
“Në fillim të vitit 2020, Presidenti i SHBA Donald Trump, për të forcuar fushatën e tij elektorale, i ktheu vëmendjen e tij në negocimin e një zgjidhjeje midis Kosovës dhe Serbisë. Detyra e negociatave iu besua Ambasadorit Richard Grenell, i cili u emërua i Dërguar Special për Negociatat e Paqes në Serbi dhe Kosovë. I irrituar nga ajo që ai e pa si pengesë nga Kryeministri i Kosovës Albin Kurti, Ambasadori Grenell rregulloi që Senatori David Perdue dhe djali i Presidentit të SHBA, Donald Trump Jr, të bënin një deklaratë në Tëitter duke sugjeruar që SH.B.A. të tërhiqte trupat e saj nga Kosova.
Ambasadori Grenell atëherë barti atë kërcënim – i cili nuk u bë nga një zyrtar amerikan – në negociata me partnerët e koalicionit të Kurtit, duke krijuar një votim mosbesimi që rrëzoi qeverinë e Kurtit. Masa u denoncua në Evropë, duke përfshirë një demarsh të përbashkët nga ambasadorët francezë dhe gjermanë në Prishtinë. Siç tregon ky shembull, një aktor i huaj ishte në gjendje të prodhonte një kërcënim krejt të trilluar dhe kështu të krijonte një ndryshim të qeverisë.
Shpeshherë, mediat kosovare merrnin deklarata të bëra diku tjetër – shpesh nga politikanë ose media serbe- dhe do ua paraqisnin lexuesve ose shikuesve si qëndrime zyrtare kundër shtetit të Kosovës.”