Të dhënat e fundit rreth gjendjes me përhapje të koronavirusit në vendet e rajonit tregon një rritje të dukshme të të infektuarve dhe viktimave.
Sipas të dhënave nga Universiteti “Johns Hopkins” mbi shkallën e vdekshmërinë mes të të infektuarve, del se gjendja në Bosnje e Hercegovinë është më e rënda, ku mbi tre për qind e të infektuarve edhe vdesin nga COVID-19.
Pas Bosnjës është Maqedonia Veriore, me 2,82 për qind, dhe Kosova me 2,56 për qind.
Vetëm në Serbia nga shtetet e rajonit, vdekshmëria është nën një për qind (0,88), raporton “AlJazeeraBalkans”.
Kur shifrat e të prekurve me koronavirus krahasohet në mënyrë proporcionale me numrin e banorëve, del de Mali i Zi kryeson në këtë kategori nga fillimi i pandemisë – 6.031 të infektuar në 100.000 banorë, transmeton Zeri.info.
Numrin më të madh të viktimave në 100.000 banorë e kanë Maqedonia Veriore me 91 dhe Bosnja me 89, kurse më së paku ka Serbia (27).
Serbia është e para edhe për kah numri i testeve të kryera.
Ky vend, në fillim të dhjetorit kaloi shifrat prej 1.8 milionë testimeve dhe tani është në 27.075 teste për 100.000 banorë.
Pas saj vjen Sllovenia me 26.558 testime në 100.000 banorë.
Kosova, në anën tjetër, ka kryer më së paku teste nga fillimi i pandemisë – vetëm 8.700 në 100.000 banorë.
Shifrat në bazë kategorive janë të ndërlidhura dhe duhet të merren me një dozë rezerve.
Pritet që një vend që teston më pak, “në letër” të ketë më pak njerëz të infektuar, siç është rasti me Kosovën. /Zëri/
Burimet: Të dhënat nga institucionet shëndetësore, Zyra Statistikore, Worldmeters, Johns Hopkins.