LAJME

Daut Haradinaj: Bashkimi me Shqipërinë nuk është hajgare

January 26, 2021 - 21:48

Ish-shefi i Grupit Parlamentar i Aleancës për Ardhmërinë e Kosovës (AAK),njëherit edhe kandidat për deputet, Daut Haradinaj, ka folur për idenë e fundit të Aleancës për Ardhmërinë e Kosovës për një bashkim me Shqipërinë më 2025.

Sipas Haradinajt, ky është një paralajmërim serioz për miqtë e Kosovës.

“Ky është një paralajmërim shumë serioz për partnerët dhe miqtë ndërkombëtarë, për me na nxjerrë prej getos”, tha fillimisht Daut Haradinaj.

“Ndoshta dikujt i duket hajgare bashkimi me Shqipërinë, por kështu kanë menduar edhe për lirinë e Kosovës, por e kemi fituar. Nuk e di Ligjin për referendum. Ligji për referendum votohet nga qytetarët, nuk duhet 2/3. Kosova nëpërmes referendumit kërkon me u bashkëngjit”, tha Haradinaj në “Kallxo Pernime”, të RTV Dukagjinit.

Haradinaj tha se më e mira do të ishte të hiqej pika e Ujmanit dhe në tavolinën e Trumpit nuk mund të sillemi a e provojmë a jo.

“Unë e di që kurrë është heq njohja e ndërsjellët ka qenë për shkak të presionit. Dhe pse Kosova e ka pranuar blanko marrëveshjen ka qenë njohja e Izraelit. Njohja nga ky shtet ka bërë që të ketë kompromis. Unë skam pasur kontakte me Grenellin por ka pasur debate të ashpra, por edhe amerikanët kur e shohin se je këmbëngulës për vendin tënd, ta respektojnë”, tha Haradinaj

Ai tha se edhe për ushtrinë, gjithë ditën kanë mbajtur konferenca partitë politike se po na prishin me ndërkombëtarët, por brenda ditës i ndërruan statuset.

“S’kemi humb asgjë që janë ndalë disa trajnime, sepse ne e kemi ushtrinë dhe i kemi paisjet më të avancuara nga Amerika në ushtri. Amerikanët veç nuk duhet me i gënjy, agjenda ynë është e qartë që të ecim në rrugën euroatlantike. Edhe kauza për bashkim me Shqipërinë është mesazh për ata që duan ta mbajnë Kosovën të izoluar”, tha ai.

“Kushtetuta nuk e pamundëson bashkimin me Shqipërinë. Nëse dëshirojnë qytetarët, nuk ndalet”, tha tutje Haradinaj.