Është shtyrë për të dielën në ora 17:00 seanca për zgjedhjen e presidentit.
- Advertisement -
Kryetari i Kuvendit, Glauk Konjufca, ka njoftuar se seanca për votimin e Vjosa Osmanit për Presidente do të shtyhet për nesër, e diel, në ora 17:00.
Kjo siç njoftoi Konjufca, për shkak të mungesës së kuorumit të nevojshëm për zgjedhjen e presidentit.
Ndryshe, më herët, mosvotimi i tre deputetëve të LDK-së, Agim Veliu, Avdullah Hoti e Driton Selmanajt, e ka pamundësuar kuorumin për votimin për zgjedhjen e presidentit, edhe në përpjekjen e dytë.
- Advertisement -
Teksa për kuorum duhen 80 vota, në rundin e parë morën pjesë në votim 79. Në sallë ishin të pranishëm 82 deputetë.