Eksperti amerikan për Ballkanin, Alon Ben Meir ka mbështetur politikat e Kryeministrit të Kosovës, Albin Kurtin për dialogun Kosovë-Serbi.
Ben Meir u ka bërë thirrje Bashkimit Evropian dhe Shteteve të Bashkuara të Amerikës ta mbështesin Kurtin në dialogun me Serbinë.
Sipas tij, mizoritë e pazbuluara të Serbisë ndaj shqiptarëve të Kosovës gjatë luftës e bëjnë të pamundur normalizimin e marrëdhënieve në mes dy shteteve.
Postimi i plotë
BE dhe SHBA duhet të mbështesin qëndrimin e Kryeministrit të Kosovës Kurti në lidhje me marrëdhëniet me Serbinë. Pajtohem me vërejtjen e Kurtit se të dy vendet nuk mund të ulen në tryezën e negociatave, duke harruar historinë.
Është shumë e rëndësishme, siç e thashë tashmë në artikullin tim të fundit që Serbia duhet të pranojë mizoritë e kryera në Kosovë dhe qeveria e saj duhet të distancohet prej tyre ashtu sic bëri Gjermania nga mizoritë e saj kundër njerëzimit pas Luftës së Dytë Botërore. Kosova dhe Serbia duhet të ulen në tryezën e dialogut si të barabartë.
Pavarësisht se sa i dëshirueshëm është normalizimi i marrëdhënieve midis dy vendeve, mizoritë e pazbuluara të Serbisë ndaj kosovarëve gjatë luftës e bëjnë të pamundur normalizimin e marrëdhënieve me të vërtetë nëse Serbia nuk pranon publikisht dhe pa mëdyshje për mizoritë e luftës që ka kryer.