Xheraldina Rexhepi, ish-konsulle e Kosovës në Vjenë i është drejtuar me një kërkesë minstres së Punëve të Jashtme dhe Diasporës, Donika Gërvalles. Nga kryediplomatja kosovare ka kërkuar që ta shikojë rastin e saj, pasi Rexhepi është e bindur se me shkarkimin e saj, përveç mungesës së ligjshmërisë, e ka dëmtuar imazhin e saj.
Në emisionin Frontal, Rexhepi e shkarkuar në kohën e Glauk Konjufcës ka thënë se po pret nga Gërvalla një përgjigje për kërkesat e saj.
Duke folur për punën në ministrinë e Jashtme, ish-diplomatja ka thënë se në misione diplomatike ka njerëz që kanë sëmundje mendore.
“Po ka në misione njerëz të smutë mentalisht. Në ministrinë e Punëve të Jashtme, kur flasin mes vete diplomatët, thonë: ai psikopati i atij shteti, ai shizofreni i atij shteti”, ka thënë Rexhepi në Frontal.