Mëngjesi i së shtunës ka nisur me një fluks te lartë të qytetarëve nga Kosova drejt Shqipërisë. Pika kryesore e kalimit mbetet Morini dhe “Rruga e Kombit”.
- Advertisement -
Janë familjarë, grupe miqsh që po shkojnë drejt qyteteve të ndryshme të Shqipërisë, veçanërisht atyre bregdetare, për të kaluar këtë fundjavë.
Policia kufitare është impenjuar që në orët e para të mëngjesit me procedurë të përshpejtuar për të lehtësuar kalimin sa më shpejt të kufirit.
Vetëm gjatë orëve të para të së shtunës e deri pasdreke, përllogariten të kenë hyrë më shumë se 8000 mjete dhe rreth 20 mijë qytetarë të Kosovës drejt Shqipërisë.
- Advertisement -
Ata janë dyndur në zonat bregdetare, kryesisht në Shëngjin, Velipojë, Gjiri i Lalzit, Durrës, Golem, por edhe në jug, Vlorë, Dhërmi e Sarandë.