Policia e Kosovës ka gjobitur një shofer të veturës “Opel Astra”, i cili në rrugën Prishtinë-Mitrovicë, ka tejkaluar automjetet e tjera në mënyrë të rrezikshme.
Shoferi në fjalë është dënuar pas publikimit të rastit të tij në media.
- Advertisement -
“Policia e Kosovës përmes videos të publikuar në mediat online ka pranuar informatën se më datë 10.06.2021 një pjesëmarrës në trafik, në rrugën nacionale Prishtinë- Mitrovicë ka kryer kundërvajtje rrugore duke bërë tejkalim në vijën e plotë si dhe në rrugë kanë qenë duke u zhvilluar punime.
Njësiti policor menjëherë ka ndërmarr veprimet e nevojshme për identifikimin e saktë të kundërvajtësit, me ç’rast edhe i është shqiptuar tiketa sipas ligjit mbi kundërvajtjet në trafik”, thekson njoftimi i Policisë.
