Ministri i Mbrojtjes, Armend Mehaj, ka pranuar flamurin e SHBA-ve nga jenerali amerikan Larry L.Henry, në përmbyllje të misionit të tij si shef i shtabit të përgjithshëm të KFOR-it, shkruan Kosova Ime.
Njoftimi i Mehajt:
Sot, nga gjenerali amerikan Larry L.Henry, në përmbyllje të misionit të tij si shef i shtabit të përgjithshëm të KFOR-it, pranova Flamurin e Shteteve të Bashkuara të Amerikës, i cili është ngritur në nderim të vizitës sime në Kampin e Shtabit të Përgjithshëm të KFOR-it në Film City.
Në letrën shoqëruese me flamur shkruante:
“Ndriçuar në errësirë nga drita e drejtësisë, ky flamur dëshmon për sakrificën dhe guximin e atyre burrave dhe grave që luftojnë forcat armike që kërcënojnë lirinë e Shteteve të Bashkuara të Amerikës dhe botës.”. e në fund të saj ishte thënia e famshme e ish-presidentit të njohur amerikan, Ronald Reagan : “Nuk ka asnjë kufizim në sasinë e të mirës që mund të bësh nëse nuk të intereson kush e merr kredinë”.
Ju faleminderit nga zemra dhe Zoti ju bekoftë gjeneral Henry!
Zoti i bekoftë SHBA-në dhe Kombin amerikan!