Anëtarja e Lidhjes Demokratike të Kosovës, Melihate Tërmkolli i ka reaguar deklarimeve të ministres së Jashtme të Kosovës, Donika Gërvalla- Schwarz e cila sot në Forumin e Dubrovikut ka deklaruar se BE’ja nuk duhet të fajësohet për gabimet e Kosovës dhe vendeve të Ballkanit Perëndimor, shkruan Gazeta Metro.
Tërmkolli në reagimin e saj e ka quajtur ‘të padijshme’ ministren Gërvalla për postin e saj, duke thënë se është “euforike dhe mbi të gjitha në dëm të interesave të Kosovës.”
“As Serbia madje e as Evropa nuk po flasin kundër Kosovës më keq se Ministrja jonë! Keq, shumë keq!”, ka thënë Tërmkolli.
Ky është reagimi i saj pa ndërhyrje:
Donika, Ministrja e Jashtme e Kosovës, për aq sa është në këtë post, definitivisht është e padijshme për postin që mbanë, euforike dhe mbi të gjitha në dëm të interesave të Kosovës! As Serbia madje e as Evropa nuk po flasin kundër Kosovës më keq se Ministrja jonë! Keq, shumë keq!
#MT