Ermir Sahiti gjen golin e parë me Hajdukun e Spilit.
22-vjeçari shqiptar (10 ndeshje dhe 2 gola me Shqipërinë U21) e nisi si titullar me skuadrën kroate takimin e kthimit të raundit të dytë të Conference League përballë kazakëve të Tobol.
Hajduku fitoi 2-0 në shtëpi duelin e parë, ndërsa sot e pa veten në disavantazh të trefishtë, falë tre golave të pësuar brenda 11 minutave në pjesën e dytë.
Gjithsesi, Sahiti ia doli të shënojë në minutën e katërt shtesë të kohës së rregullt, duke dërguar takimin në shtesa.
Sulmuesi i majtë tundi rrjetën e ekipit nga Kazakistani falë një goditje potente me të djathtën. Tobol-Hajduk 3-1 dhe duhet luftuar akoma për kalimin në raundin e tretë të kompeticionit evropian.