Zëdhënësi i KEDS-it, Viktor Buzhala, i ka reaguar gazetarit Valon Syla pasi ky i fundit aludoi se energjia elektrike është ndalur në një pjesë të Kosovës në mënyrë që qytetarët të mos kenë mundësi të shohin lajmet.
“U ndërpre energjia elektrike në gjysmën e Kosovës. Pse pe ndalni? Me i mshef lajmet me skandale e viktima që dëmtojnë Qeverinë Kurti? Vera është. Edhe fllad është. As nxemje as kondicionera ska me harxhu energji masive?”, kishte shkruar ndër të tjera Syla në statusin e tij në Facebook.
Por Buzhala i reagoi duke i thënë Sylës se energjia elektrike nuk është sikur “ai boksi në shesh qëfiket sa herë e godet dikush i fortë” dhe se 99.7% e konsumatorëve kanë qenë të furnizuar vazhdimisht me energji elektrike.
“Valon A. Syla energjia elektrike nuk eshte si ai boksi ne shesh, qe i nalen dritat sa here ti mshon najkush i forte. Tu kane perzi kabllot dicka. Ndryshe, me duhet ta shpjegoj per mediat qe sot vazhdimisht jane furnizuar me energji elektrike mbi 99.7 per qind e konsumatoreve. Flm per mirëkuptim”, shkroi Buzhala.