Kandidati për kryetar të Prishtinës nga radhët e AAK’së, Daut Haradinaj, njëherësh edhe ish-komandant i UÇK’së, ka folur lidhur me situatën e krijuar në veri të Kosovës.
Haradinaj, në emisionin ‘dPt te Fidani’ e ka parë më shumë si spektakël politik paraqitjen e forcave policore nga pala kosovare dhe ajo serbe në kufinjtë territorial, shkruan Gazeta Express.
“Njëjtë si t’tanat, sikurse na po bëjmë xhiro e ekskursion me forcat policore, kurrgjë më shumë as ata as na nuk po bëjmë. Dy palët po mundohemi me i nxjerrë vetën më të fuqishme. Kur ka një operacion, është konfidencial. Mendoj që të dytë, edhe pala jonë edhe pala kundërshtare po merret me shou”, deklaroi Haradinaj në ‘DPT’.