Qeveria e Kosovës pritet që sot të marrë vendim në lidhje me masat anti-COVID, të cilat kanë të bëjnë me ashpërsimin e masave për hyrje në Kosovë, por edhe hyrje nëpër ambiente publike dhe udhëtim me mjete të transportit publik.
Sipas propozimit që ka bërë Ministria e Shëndetësisë, të cilin e ka siguruar Telegrafi nga data 3 janar 2022, të gjithë personat që përdorin transportin publik duhet të posedojnë certifikatën e vaksinimit të plotë (me dy doza) kundër coronavirusit.
- Advertisement -
Pasagjerët mund të udhëtojnë edhe nëse kanë një dozë vaksine, por me kushtin që të kenë edhe testin RT PCR negativ.
Edhe ata që kanë dëshminë se e kanë kaluar coronavirusin, duhet të kenë së paku një dozë vaksine për të udhëtuar me autobusë.
- Advertisement -
Operatorët e trafikut janë të obliguar të caktojnë një person përgjegjës që kërkon dëshmitë e lartëcekura.