Një 24-vjeçar dyshohet se është qëlluar me armë zjarri në një poligon të shenjëtarisë në Obiliq.
Lajmin e ka konfirmuar zëdhënësi i Policisë së Kosovës për rajonin e Prishtinës, Agron Borovci.
“Rreth orës 17:45, është pranuar informata për një rast të plagosjes me armë zjarri të ndodhur në një poligon të shenjëtarisë në Obiliq. Policia ka dalë në vendin e ngjarjes dhe mbështetur në të dhënat e para, janë ngritur dyshimet se një person, mashkull, 24 vjeç, ka marrë plagë arma zjarrit. Viktima është dërguar në QKUK për të marrë trajtimin e nevojshëm mjekësor. Aktualisht hetuesit policor kanë nisur një hetim për sqarimin e rrethanave që karakterizojnë rastin”, ka potencuar Borovci.
Ai njoftoi se viktima është dërguar në QKUK për të marrë trajtimin e nevojshëm mjekësor, ndërsa hetuesit policorë kanë nisur një hetim për sqarimin e rrethanave që karakterizojnë rastin.