Me ardhjen e bashkatdhetarëve për festat e fundvitit në Kosovë kanë filluar të krijohen edhe kolona në vendkalimet kufitare.
Qendra Kombëtare për Menaxhim Kufitar ka njoftuar se në vendkalimin kufitar Dheu i Bardhë kolonat arrijnë deri në 600 metra, hyrja në Kosovë përmes kësaj pike bëhet nga 90 deri në 120 minuta.
- Advertisement -
Kolona kanë filluar të krijohen edhe në pikën kufitare me Serbinë në Merdar. Për të hyrë në Kosovë kolona e automjeteve është deri në 100 metra.
Në pikat e tjera kufitare të Kosovës me Serbinë nuk raportohet për pritje dhe kolona.