William Walker s’ka mundur që të udhëtojë drejt Kosovës për të marrë pjesë në ceremoninë e përkujtimit të 23 vjetorit të Msakrës së Reçakut. Walker përmes një video mesazhi ka thënë se i vjen shumë keq që si rezultat i pandemisë, dhe për shkak të një operacioni të vogël që ka pasur nuk ka mundur që të jetë i pranishëm në ceremoninë e sotme.
“Shpreh zhgënjimin tim që s’jam në mesin e njerëzve që përkujtojnë ngjarjet tragjike në fshatin Reçak. Kjo është shprehje e zhgënjimit që s’jam aty . Më tej kërkoj falje për arsye të njohura që është pandemia dhe COVID dhe për shkak të moshës sime, dhe për shkak të një operacioni që bëra disa javë më parë, më është dashur të kapërcej dëshirën time, dhe të flas me ju falë ndihmës së zyrës së kryeministrit”, ka thënë Walker.
Walker thotë se rëndësia e Mësakra së Reçakut si një rast unik është rritur nga viti në vit.
“Reçaku zë një vend shumë të veçantë në zemrën time, dhe plotësisht i kuptoj ata që pyesin se pse Reçku është më i rëndësishëm”, ka thënë Walker.
Walker thotë se tashmë e gjitha bota ka vëmendjen kur flitet për Reçakun dhe thekson se kjo është ajo për të cilën kishte shpresuar të ndodhte.
Derisa kujton se si në të kaluarën kishte ngurrim nga disa ambasadorë të huaj që të merrnin pjesë në ceremoninë e përkujtimit të kësaj Mësakre.