Ditëve të fundit është shtuar dukshëm numri i infektimeve me COVID-19 në Kosovë.
Kjo ka bërë që të vë në lëvizje institucionet kompetente duke paralajmëruar masa të reja në mënyrë të parandalimit të coronavirusit.
Dje u njoftua që ditën e sotme do të shqyrtohen mundësitë e ndryshimit të masave aktuale.
Lidhur me këtë reagimet në internet kanë qenë të menjëhershme dhe një të tillë e ka bërë edhe reperi Fero.
Artisti nga Gjilani në një postim të shpërndarë në InstaStory ku bëhen të ditura masat e reja ka kërkuar që të rikthehet Hashim Thaçi.
“Na duhet Thaçi të kthehet në krye”, u shpreh ai.
Sipas të dhënave nga Instituti Kombëtar i Shëndetësisë Publike në Kosovë (IKSHPK), numri i përgjithshëm i rasteve të konfirmuara me COVID-19 në vend ka arritur në 172.340.
Aktualisht në Kosovë numri i rasteve aktive me COVID-19 është 9.771.