Gazetarëve të gazetës “Rilindja” u është kërkuar nga AKP-ja që nesër të dorëzojnë kopjet e letërnjoftimit dhe certifikatat e lindjes në hotel Grand.
Sipas njoftimit, mjetet për 20 % për Pallatin e “Rilindjes” janë derdhur në xhirollogarinë e AKP-së dhe së shpejti pritet t’iu shpërndahen punëtorëve.
Njoftimi i plotë:
Njoftim për punëtorët e Gazetës “RILINDJA”
Të nderuar kolegë!
Pas shumë përpjekjeve të Udhëheqjes dhe Sindikatës së gazetës “Rilindja” dhe përkrahjes së Qeverisë së Kosovës , mjetët për 20 për qind për Pallatin e “Rilindjes”, janë derdhur në xhirollogarinë e AKP-së dhe së shpejti pas rregullimit të disa procedurave ligjore, pritet t’ju shpërndahen punëtorëve.
Para se kjo të ndodhë, kërkohet nga ju që qysh nesër më 9 shkurt 2022, duke vazhduar gjatë gjithë javës , t’i dërgoni te Zeqir Shkodra, në Hotel Grand,Kati i III, kopjet e letërnjoftimit dhe certifikatat e lindjes.
Kjo është kërkesë e AKP-së.
Dosjet me dokumente tjera gjenden te Zeqir Shkodra.
Ne ka tre vite që dosjet e gazetës i kemi bërë gati, por AKP-ja i kërkon këto dëshmi duke menduar se të më hershmëve iu ka kaluar afati.
Pas marrjes së këtij informacioni, ju lusim t’i njoftoni kolegët me këtë informacion, që nuk janë në dijeni me rastin.
Me respekt!
Zeqir Bekolli,drejtor
Tel.:044497798
Besim Kajtazi, kryetar i SP të Gazetës “Rilindja”
044/148 558
Igballe Rexha, anëtare e Këshillit Drejtues.