Kompania “Daimler-Benz” e Gjermanisë, e cila zotëron edhe “Mercedes-Benz”, ka vendosur të ndërpresë lidhjet me prodhuesin rus të kamionëve dhe autobusëve “Kamaz”.
Vendimi vjen pas sanksioneve të shumta ekonomike ndaj Rusisë, e cila përmes ushtrisë së saj po synon pushtimin e plotë të Ukrainës.
- Advertisement -
Sanksionet ekonomike kanë goditur rëndë ekonominë e Rusisë, ku gjatë ditës së sotme rubla ruse shënoi rënie drastike në raport me dollarin amerikan.
Ndikimin e sanksioneve të Perëndimit ndaj Rusisë, po e ndjejnë edhe qytetarët rusë të cilët janë njoftuar se norma e interesit në bankat ruse do të rritet nga 9 për qind sa ishte më herët, në 20 për qind.