Presidentja Vjosa Osmani, e ka shpallur të premten ditë zie në Kosovë pas vdekjes së ish-Sekretares së Shtetit, Madeleine Albright.
Lajmin e ka dhënë kryekuvendari Glauk Konjufca, duke shtuar se seanca e rregullt plenare e paralajmëruar për sot, është shtyrë për të hënën në orën 10:00.
“Për shkak se ka ndërruar jetë Madeleine Albright e cila ka dhënë kontribut që s’do ta harrojmë si popull për lirinë dhe pavarësinë e shtetit tonë, presidentja e ka shpallur ditë zie të premten, dhe në konsultim me kryetarët e grupeve parlamentare këtë seancë e zhvendosim për ditën e hënë”, tha Konjufca.
Albright vdiq të mërkurën në moshën 87 vjeçare pas betejës me kancerin.
