Një i ri britanik, që iu bashkua Iuftës në Ukrainë dhe u angazhua për mbrojtjen e Mariupolit, mësohet se i është dorëzuar armikut.
Aiden Aslin, tha se njësia e tij ishte e detyruar të dorëzohej, pasi mbetën pa ushqime dhe municione.
“Ishte kënaqësi të gjithëve, shpresoj që kjo Iuftë të përfundojë së shpejti,” tha ai.
Punonjësi i kujdesit nga Newark, Nottinghamshire, doli vullnetar për të luftuar Shtetin Islamik në Siri përpara se të transferohej në Ukrainë në vitin 2018, ku shërben në marinsat e vendit. Ka shpresa se ai mund të bëhet pjesë e një shkëmbimi të të burgosurve.
Aslin, i cili quhet “Johnny”, ka përdorur pseudonimin në internet “Cossack Gundi” për të përditësuar dhjetëra mijëra ndjekës në Twitter, Instagram dhe Telegram për mbrojtjen e Mariupolit, i cili është sulmuar nga forcat ruse për disa javë.
Deklarata në Twitter thoshte: “Kemi marrë fjalë nga Johnny. “Kanë kaluar 48 ditë, ne u përpoqëm të mbronim Mariupolin, por nuk na mbetet gjë tjetër veçse të dorëzohemi para forcave ruse. Nuk kemi ushqim dhe municion. Ka qenë kënaqësi të gjithëve, shpresoj që kjo Iuftë të përfundojë së shpejti’”.
Deklarata vazhdoi: “Ne po e bëjmë këtë pas konsultimit të drejtpërdrejtë me familjen e tij. Derisa të na thuhet ndryshe, ne do të vazhdojmë të punojmë për ndarjen e fakteve të Iuftës. Shpresoj për një shkëmbim të burgosurish.”
Vlen të theksohet se forcat ruse janë afër pushtimit të Mariupolit, pasi kanë ndarë dy grupet e fundit të rezistencës ukrainase në qytet.