Presidentja Vjosa Osmani doli në konferencë për media me Ndihmës Sekretaren e Shteteve të Bashkuara të Amerikës për Çështje Evropiane dhe Euroaziatike, Karen Donfried, pas takimit me delegacionin amerikan që sot mbërriti në Prishtinë.
Osmani tha se në takim i diskutua edhe urgjenca e dialogut me Serbinë.
- Advertisement -
“Natyrisht që ne sot gjithashtu diskutuam për urgjencën dhe nevojën për progres në procesin e dialogut, gjithnjë të përqëndruar në njohjen reciproke”, tha Osmani.
Presidentja theksoi se në takim ka thënë se Kosova është e përkushtuar në këtë proces.
“E ritheksova se Kosova është dhe vazhdon të jetë palë në dialog dhe se mbesim të përkushtuar ndaj këtij procesi i cili e ka në qendër njohjen reciproke dhe nga i cili do të përfitojnë përfundmisht qytetarët”, tha ajo.