Një grup i përbërë nga disa parti opozitare në Serbi, të nxitura edhe nga intelektualë nacionalistë serbë, kanë publikuar një deklaratë ku bëjnë thirrje për “riintegrimin e plotë të Kosovës në Serbi si zgjidhja e vetme e pranueshme për popullin serb”.
Dokumenti i titulluar “Deklarata për Tubimin në Mbrojtjen e Kosovës” është nënshkruar nga Partia Popullore, Lëvizja “Dveri”, “Zavetnici”, koalicioni NADA dhe një grup profesorësh dhe anëtarësh të akademisë.
Presidenti Serb është pyetur për këtë grup politikanësh dhe “planin e tij për riintegrim”.
Por, duke u tallur, Vuçiç ka deklaruar në konferencë për media gjatë javës që shkoi se po ua mbajti, s’kanë pse riintegrojnë asgjë, thjesht të shkojnë e të jetojnë në një qytete të Kosovës për një kohë.
“Disa luajnë rolin e heronjve sepse është e lehtë për ta, meqë s’janë në pushtet. Por, po e ndajnë popullin dhe me politikat e tyre do na kthejnë në Mesjetë”, deklaroi Vuçiç.
“Çfarë do bëni? Thoni se duhet ta ri-integrojmë Kosovën, s’keni nevojë ta bëni. Shkoni e jetoni në një qytet të Kosovës pra, shkoni në Kaçanik jetoni gjashtë muaj”.