Ukraina ka kryer një sulm “masiv” me dronë në flotën e Detit të Zi në qytetin port të Krimesë, Sevastopol, duke dëmtuar një anijen luftarake “Admiral Makarov” thotë Rusia.
Sipas saj, janë përdorur nëntë dronë, por Ukraina ende nuk i ka komentuar këto pretendime.
Analisti ushtarak, ish-zëvendës shefi i shtabit të Marinës së Ukrainës Andriy Ryzhenko the për Channel 24 së detyra kryesore e kësaj fregate ishte lufta kundër nëndetëseve dhe anijeve sipërfaqësore.
Si u ndërtua fregata “Admiral Makarov”.
Ryzhenko vuri në dukje se “Admiral Makarov” është një anije e projektit 1135.6. Kjo është një fregatë anti-nëndetëse. Pas rënies së Bashkimit Sovjetik, për shkak të një situate shumë të keqe ekonomike, rusët nuk mundën të ndërtonin anije për një kohë të gjatë.
Sipas tij, në vitin 2010 ata filluan ndërtimin dhe anijet e tyre të para ishin modernizimi i asaj që ishte më parë. Në të njëjtën kohë, u krijua një projekt i tillë si “Admiral Makarov”. Anijet e para të tilla shkuan në Indi, dhe më pas u vendos ndërttimi 6 anijëve për Flotën e Detit të Zi.
Ata ndërtuan plotësisht 3 anijet e para dhe ia dorëzuan flotës së Detit të Zi. Ne e dimë se këto anije janë “Admirali Makarov”, “Admirali Essen” dhe “Admirali Hryhorovych”, tha Ryzhenko.
Ai shtoi se rusët në fakt ndërtuan 3 anije të tjera, por për shkak të refuzimit të Ukrainës për të furnizuar motorë, ato nuk u përfshinë kurrë në Marinën e Federatës Ruse.
Çfarë është e veçantë për fregatën “Admiral Makarov”
Ryzhenko tha se “Admiral Makarov” është një anije klasike e zonës detare. Detyra e saj kryesore është të luftojë kundër nëndetëseve dhe anijeve sipërfaqësore.
Karakteristika e saj, në ndryshim nga projekti origjinal 1135, që është në klasifikimin e NATO-s, është se ka 8 raketa Kalibr, theksoi ish-zëvendës shefi i shtabit të Marinës së Ukrainës.
Ai shpjegoi se këto raketa mund të përdoren për të gjuajtur objektivat në bregdet në një distancë deri në 2.5 mijë kilometra, përfshirë në variantin bërthamor. Të njëjtat raketa, por me një sistem drejtimi të ndryshëm, mund të qëllohen në objektivat e detit në një distancë deri në 400 kilometra.