Ish-kryetarja e Gjykatës Themelore të Mitrovicës, Liljana Stefanoviq, ka mbajtur një fjalim në tubimin e serbëve në Mitrovicën e Veriut.
Ajo tha se të gjithë gjyqtarët dhe prokurorët serbë janë larguar nga sistemi gjyqësor i Kosovës.
- Advertisement -
“Ne vendosëm unanimisht të largohemi nga sistemi gjyqësor dhe t’i bashkohemi të gjithëve në këtë luftë. Vendimi ynë është i qartë. Mendoj se jemi ambasadorët më të mirë të gjyqësisë serbe”, tha Stevanoviq.
Në mars, Stefanoviq ishte suspenduar nga pozita e kryegjyqtares, pasi kishte marrë pjesë në një mbledhje të Këshillit të Sigurisë, të thirrur nga presidenti serb, Aleksandar Vuçiq në Beograd.