IFA po përballet me thirrjet për të përjashtuar Iranin nga Kampionati Botëror “Katar 2022” dhe për t’ia dorëzuar vendin e tyre Ukrainës.
Irani është shortuar në Grupin B të Botërorit, bashkë me Anglinë, Uellsin dhe Shtetet e Bashkuara të Amerikës.
Në fillim të këtij muaji, grupi i të drejtave të njeriut “Open Stadiums” i bëri thirrje FIFA-s të ndalojë pjesëmarrjen e Iranit në Botërorin e këtij viti shkaku i trajtimit që i bëhet grave në këtë shtet.
Kjo kërkesë erdhi pasi protestave në Iran për për vdekjen e një gruaje 22-vjeçare, Mahsa Amini, e cila vdiq derisa ishte në paraburgim në fillim të këtij muaji.
Qeveria iraniane është kritikuar gjithashtu ashpër për mbështetjen e agresionit rus mbi Ukrainën.
Klubi i njohur ukrainas, Shakhtar Donetsk, i ka bërë thirrje FIFA-s dhe gjithë komunitetit ndërkombëtar që menjëherë të ndalojnë Kombëtaren e Iranit të luajë në Kampionat Botëror.
“Ky do të jetë një vendim i drejtë që duhet të tërheqë vëmendjen e gjithë botës ndaj një regjimi që vret njerëzit e tij më të mirë dhe ndihmon në vrasjen e ukrainasve.
Vendin e lirë duhet ta zërë Kombëtarja e Ukrainës, e cila dëshmoi se është e denjë për pjesëmarrje me kushte të pabarabarta me kombëtaret e tjera gjatë ‘play-off’-it, ata luajtën me zemër.
Lehtësimi i pjesëmarrjes së terroristëve është politikë. Është koha për t’i dhënë fund një politike të tillë”, thuhet mes tjerash në kërkesën e presidentit të gjigantit të futbollit nga Ukraina, Sergei Palkin.
Kujtojmë se Kampionati Botëror “Katar 2022” do të zhvillohet nga 20 nëntori deri më 18 dhjetor.
💬 “Ukraine should be at the World Cup. Iran deserves no place there!”
📝 Statement by #Shakhtar CEO Sergei Palkin ⬇️ pic.twitter.com/JhVk1GUVWo
— FC SHAKHTAR ENGLISH (@FCShakhtar_eng) October 24, 2022