Largimi nga institucionet i përfaqësuesve politikë të serbëve të Kosovës ka bërë që gjatë të shtunës të ketë tensione në pjesën veriore të vendit.
Lista Serbe, partia më e madhe e serbëve, ka vendosur të largohet nga institucionet qendrore të Kosovës si dhe nga komunat në veri të vendit.
- Advertisement -
Këtë vendim, Lista Serbe ka marrë pas vendimit të autoriteteve të Kosovës për suspendimin e drejtorit të Policisë për rajonin e veriut, Nenad Gjuriq.
Gjuriqi ishte suspenduar pasi refuzoi të zbatojë vendimin për riregjistrimin e makinave që kanë targa të lëshuara nga Serbia në ato të Republikës së Kosovës.