Një përplasje mes ish-kryetarit të LDK’së, Isa Mustafa dhe bashkëkryetarit të Listës Guxo, Faton Peci është duke vazhduar që nga dita e djeshme. Mustafa e përmendi presidenten Vjosa Osmani në lidhje me marrëveshjen në Bruksel, duke e quajtur si juriste e zonja “e vet-shitur”, ndërsa, Peci i tha ta ‘monitorojë tensionin’.
Mustafa në një përgjigje për lajmi.net tha se nuk merret me “rrugaçë”, e rrjedhimisht, as me ministrin Peci. Madje, ky i fundit sipas Mustafës është “fëmijë i rrugës” të cilin Vjosa Osmani e Albin Kurti e kanë bërë ministër.
Por, një kundërpërgjigje pati edhe Peci, i cili e pranoi se Osmani e Kurti e bën atë ministër, por ndjehet mirë që të paktën nuk e ka bërë ministër Rrahman Morina.
„E vertete qe Znj. Vjosa Osmani e Albin Kurti me kane bere minister. Te pakten nuk me ka bere Rrahman Morina”.